Izvor: Venera sa papilotnom
Posao. Suštinski, vi ste u dobrom poslovnom periodu. Naravno da možete imati gro nekih situacija na dnevnoj bazi koje će zahtijevati da žurite, koje vam nakratko mogu donositi i nervozu i stres, ali sve je to rješivo.
Pun Mjesec u polju poslovne svakodnevnice i rada može u ovoj sedmici donijeti više obaveza i promjene u planovima, čak i pokoji talas brige. Zato, više mudrosti, organizovanosti i strpljenja sa vaše strane.
Ljubav. Partnerski odnos će biti funkcionalan, ali će nešto faliti. A moguće je i da će vaša osjećanja biti pojačana na maksimum, povremeno vas preplavljivati, zbunjivati, stvarati vam distrakciju.
Slobodni Lavovi, pred vama je dugo, toplo i uzbudljivo ljeto koje polako otkriva svoje boje i mirise, obećavajući mnoštvo prilika za smijeh, nova poznanstva i trenutke zbog kojih će vam srce brže zakucati.
Jedina dilema koja vas ovih dana može mučiti jeste kako da stignete na sva mjesta na koja ste pozvani i kako da se susretnete sa svima koji vas zovu na kafu, druženje ili iznenadne avanture.
Ovaj period nudi priliku da se otvorite prema svijetu, da prigrlite nova iskustva i možda upravo sada pronađete osobu koja unosi dodatnu radost u vaše dane.
Sve vam ide naruku – iskoristite svaki trenutak, jer pred vama je vrijeme kada ljubav, zabava i životni žar idu ruku pod ruku.
Hrana. Metabolizam je solidan, a ovih dana ste i dosta u pokretu pa se nešto jači apetit neće primijetiti na vašoj liniji. Ipak, voljeli ili ne voljeli povrće, trebalo bi da ga bude dosta u vašoj ishrani.
Zdravlje. Mentalna preosjetljivost.
Autor: minimagazin.info