Brzo i bez pečenja: Fantastična munchmallow torta gotova za pola sata

0

Ukoliko ste za brzi kolač kojeg nije teško napraviti i za koji vam nije potrebna rerna, napravite fenomenalnu munchmallow tortu. Prijatno!

Sastojci

foto: Mogu ja to sama

  • 100 grama piškota
  • sok za umakanje
  • tri pudinga od vanile
  • jedan vanilin šećer
  • 10 kašika šećera
  • 1 l mlijeka
  • 50 grama margarina
  • dvije kutije munchmallow-a
  • šlag za dekoraciju.

Priprema

Tri pudinga i vanilin šećer skuvajte u litri mlijeka, kako biste dobili gustu smjesu. Još dok je smjesa vruća, dodajte puter sobne temperature isjeckan na komadiće te izmiješajte mikserom.

Od munchmallow keksa odvojite kore i sitno ih isjeckajte. Smjesu od pudinga podijelite na dva dijela i u jedan dio dodajte isjeckanu koru od keksa. Nakon toga izmiješajte da se sve dobro sjedini (ne morate koristiti mikser, možete i varjačom).

Piškote potapajte u sok od limuna ili narandže (možete u bilo koji, po želji) i slažite u kalup. Nanesite fil od pudinga i kora munchmallow keksa i izravnajte. Preko fila rasporedite “kapice” munchmallow-a koje ste dobili nakon što ste ih razdvojili od kora (čokoladni dio je potrebno okrenuti ka gore).

Nakon toga, dodajte ostatak smjese od pudinga, pažljivo je raspoređujući kako se kapice od munchmallow-a ne bi pomijerale. Tortu stavite na par sati u frižider da se stegne. Nakon što je izvadite iz kalupa, tortu dekorišite šlagom po želji.

Izvor: Mogu ja to sama

Autor: minimagazin.info

Preporuke

Nastavi na minimagazin.info