Moderan i privlačan stajling uopšte nije teško postići, a ako vam je cilj da i ove sezone izgledate baš tako, onda su sljedeći trendovi imperativ. Najbolje od svega je to što oni svakoj ženi veoma dobro stoje, a ako niste sigurne kako biste ih najbolje uvrstile u svakodnevni stajling, jedan od načina da “igrate” na sigurno jeste da birate asesoare koji prate ove trendove.
Naravno, veoma često nam je cilj da izgledamo veoma moderno, ali ne baš po svaku cijenu: uvijek birajte ono u čemu se osjećate ugodno pa tek onda posegnite za trendovskim stvarima. Ipak, kao što već napomenusmo, sljedeći trendovi veoma dobro stoje skoro svakoj ženi, a evo i o kojima je riječ.
Cvjetni dezen
Najpopularniji dezen na svijetu, bez obzira o tome o kojoj sezoni se radi, jedan je od najmodernijih i najpopularnijih i ove sezone. Bilo da birate suknje, haljine, maljice ili čak farmerice sa cvjetnim dezenom, izgledaćete veoma moderno i urbano.
Odijelo
Odijelo nikada nije bilo popularnije, a posebno se ističu modeli koji su u nekoj od pastelnih nijansi. Idealan komad garderobe za sve poslovne i formalne prilike, odličan je i iz razloga što jaknu (odnosno blejzer) i pantalone veoma lako možete iskombinovati i posebno, sa mnogim drugim komadima garderobe.
Pruge
Skoro pa svake ljetne sezone, pruge su neizostavan detalj koji se nalazi u samom vrhu popularnosti. Tako je i ove sezone, a razigrane prugice veoma često ćete vidjeti na košuljama, suknjama, bluzama ili pak pantalonama.
Visoki struk
Komadi garderobe sa visokim strukom pravi su saveznik, kada je u pitanju vitkiji stas. Naime, pantalone ili suknje sa visokim strukom veoma dobro stoje svakoj ženi te pomažu da se prikriju određeni nedostaci na tijelu (struk i butine). Takođe, oni vam mogu pomoći i da izgledate par centimetara više.
Tufne
Jedno je sigurno: ove sezone ih ne možemo izbjeći, sve i da hoćemo! Tufne nikada nisu bile popularnije, mada imamo osjećaj kako su uvijek bile tu te da nikada nisu ni bile demode. Svaki komad garderobe koji ima ovaj popularni dezen možete veoma lako uvrstiti u svakodnevni stajling, a ako ništa drugo, onda birajte baletanke sa tufnama.
Štikle boje kože
Rijetko koja žena ne voli cipele, ali ne zna baš svaka žena koliko su baš ove cipele zahvalne! I to iz više razloga: s obzirom na to da je riječ o neutralnoj nijansi, veoma lako ćete ih uklopiti sa ostatkom garderobe. A druga stvar, koja je možda čak i bitnija i zanimljivija, jeste da će vam upravo štikle boje kože pomoći da izgledate više i to tako što će vam vizuelno izdužiti noge, bilo da se radi o klasičnim salonkama ili sandalama.
Petrolej zelena
Ultra popularna i ultra moderna, ova nijansa zelene takođe je jedan od trendova koje je ove sezone gotovo pa nemoguće zaobići. Ona spada u spektar neutralnih boja pa je bez problema možete kombinovati skoro sa svim drugim bojama. Idealna za sve prilike i pravi praznik za oči, možete je nositi u vidu bluze, suknje ili pantalona.
Karneri
Karneri su odličan mali detalj koji će veoma lako skrenuti pažnju sa određenih područja tijela, a koja vas možda pomalo čine i nesigurnima (naravno, pazite na to gdje su postavljeni). Takođe, možete ih pronaći na svim komadima garderobe pa čak i na određenim modelima cipela i komadima nakita.
Žuta
Vjerovatno i jedna od napopularnijih boja ove sezone, žuta je tako svježa i moderna te je bez problema možete uvrstiti u svakodnevni stajling. Najbolje od svega je to što se ona tako dobro slaže sa tamnijim, neutralnim nijansama: kombinujte žutu i crnu i izgledaćete odlično, kombinacija žute i teget je fantastična, a kombinacija žute i sive dostojna je svake modne kraljice!
Autor: minimagazin.info
