5 najboljih načina za uklanjanje neželjenih dlačica sa lica

0

Neželjene dlačice na licu mogu se ponekad pojaviti na najneobičnijim mjestima. Ali, niste baš najsigurniji na koji način da ih uklonite, a da pri tome ne izazovete crvenilo i iritaciju kože? Donosimo pet najefikasnijih načina koje biste trebali uzeti u obzir.

 

Depilacija voskom

Depilacija voskom odličan je izbor za uklanjanje dlačica sa lica. Imajte u vidu da lice morate pripremiti za ovu vrstu depilacije te ga na pravilan način njegovati poslije nje. Prije i poslije depilacije, najbolje bi bilo da koristite jojobino ili maslinovo ulje. Takođe, nakon depilacije pokušajte da na lice ne nanosite sredstva koja sadrže jake hemikalijame, kremu za sunčanje te da ne radite piling lica. Uvijek koristite vosak i trakice za osjetljivu kožu. Nakon depilacije voskom, dlačice se neće pojavljivati od četiri do osam nedjelja, zavisno od jačine njihovog korijena.

 

Uklanjanje dlačica koncem

Ovaj način uklanjanja dlačica je jednako efikasan kao i depilacija voskom, jer dlaku čupa iz korijena. Manje je bolan od depilacije voskom, jer ne skida površinski sloj kože. Ako ste imali negativno iskustvo (bol, crvenilo i iritacija kože) prilikom depilacije voskom, onda je ovo idealno rješenje za vas. Rezultati su i više nego dobri, jer nećete imati potrebe za sledećim tretmanom od četiri do osam sedmica.

 

Uklanjanje dlačica pincetom

U salonima ova vrsta uklanjanja dlačica se koristi samo kao pomoć pri nekoj drugoj vrsti depilacije. Ako nakon depilacije voskom ili koncem ostane koja dlačica, uklonite je pincetom. Ona se svakodnevno koristi za sređivanje obrva, ali i brade i obraza. Iako na ovaj način dlaku čupate iz korijena, ipak vam rezulatati neće biti dugotrajni kao kod ostalih vrsta depilacije.

 

Epilacija laserom

Metoda laserskog uklanjanja dlačica sa lica danas je veoma popularna. Najčešće se uklanjaju dlačice iznad gornje usne, brade i zulufa. Maljavost na ovim mjestima se javlja kao posljedica hormonalnih poremećaja. Najbolje bi bilo da se informišete u najbližem kozmetičkom salonu koji tretman bi vam najviše odgovarao. Stručnjaci savjetuju da počnete sa tretmanom koji traje trideset minuta. Zahvaljujući ovoj metodi, dlake će se prorijediti te će, one nove koje narastu biti tanje i mekanije. Preporučuje se da tretman ponavljate svakih deset sedmica, ali opet, to je individualno i razlikuje se od žene do žene. Međutim, laserska depilacija nije preporučljiva za skidanje dlaka sa čela. Dlaka koja tu raste je nježna i mekana poput bebine te je laser ne može skinuti. Takođe, kada je u pitanju ova metoda, postoji veliki rizik od sljepila. Zbog toga je neophodno da prilikom ovih tretmana nosite zaštitne naočale.

 

Brijanje

Da, dozvoljeno je da brijete lice. Ali, imajte u vidu da brijač neće isčupati dlaku iz korijena. Ako dlake brijete svaki drugi, treći dan, budite spremni da će koža postati osjetljivija i sklonija iritacijama, jer brijanjem skidate i površinski sloj kože. U suštini, brijanje je odličan izbor kada nemate vremena da dlačice uklonite na neki drugi način. Ali, pokušajte da ga izbjegavate što je više moguće.

Autor: minimagazin.info

Preporuke

Nastavi na minimagazin.info