4 najmodernije boje kose za jesenju sezonu

0

Ukoliko vam je dosadila trenutna boja vaše kose i ako ste spremni da je mijenjate, isprobajte neku od sljedeće četiri moderne jesenje nijanse.

Bež plavuša


Bež plava jedna je od mnogobrojnih nijansi plave boje. Idealna je za žene koje već imaju prirodno svijetlu kosu, kao što su svijetlo smeđa i plava. Ova nijansa najbolje se postiže pomoću tehnika ombre i sombre.

Boja bakra


Boja bakra uvijek privlači pažnju i veoma je popularna, posebno tokom jesenje sezone. Postoje mnogobrojne varijante ove boje, od vatrenog bakra do nježne jagode i tamnog đumbira i svijetlog kestena. Jedan od odličnih načina da osvježite već postojeću boju kose jesu i pramenovi boje bakra. Primjera radi, na slici iznad riječ je o pramenovima boje bakra koji su izvučeni preko čokoladno smeđe nijanse.

Bronde


Bronde je odlična boja, a dobija se kombinacijom plavih i smeđih nijansi. Najbolje stoji brinetama, jer se na prirodno smeđu boju dodaju plave nijanse. Naravno, ako ste plavuša, dodaje se tamnija, smeđa boja.

Tamna čokolada


Ukoliko, ipak, preferirate tamniju nijansu kose, ove jeseni nećete pogriješiti sa bojom tamne čokolade. Bez obzira da li trenutno imate svjetliju ili tamniju nijasu kose, ova boja će osvježiti vaš izgled na najljepši mogući način. Ipak, ukoliko imate previše svijetao ten, bilo bi poželjno da je izbjegavate, jer biste mogle izgledati “ispijeno”.

Autor: minimagazin.info

Sviđa vam se članak? Onda pogledajte i ovo: